Знаходка была знойдзена летам 2021 года. Я, Захар, разам са сваім кіраўніком выконвалі мотаэкскурсію па месцах зніклых вёсак (вёска Пальміра, вёска Людзвін і інш.) і менавіта ў вёсцы Пальміра і знайшлі садавінніцу. Па расказах майго кіраўніка ў гэтай вёсцы пражывалі яго бабуля і дзядуля. І, адпаведна, яго маці. Вёскі ўжо не існуе і, таму мы не адразу знайшлі гэтае месца. Ехалі па дарозе ў напрамку Брагіна і ў некаторы момант злева заўважылі вузенькую дарогу. Мой кіраўнік згарнуў налева і мы праехалі каля 1 кіламетра. У тым месцы, па ўспамінах майго кіраўніка, і быў пачатак зніклай вёскі. Злева і справа мы бачылі сельскагаспадарчыя палі, але вузенькая дарога па-ранейшаму была. Ехаўшы не павольнай хуткасці бліжэй да заканчэння дарогі я заўважыў тырчашчыя ножкі. Часу ў нас было шмат, мы спыніліся. Прайшло 2-3 хвіліны і садавінніца была ў мяне ў руках. Яна была вельмі брудная. Прыліплая зямля надавала ёй масу. Праехаўшы да канца вуліцы мы ўбачылі тупік, разгарнуліся і паехалі далей у рамках нашай мотаэкскурсіі.